.jpg)
Ipinahayag ni Kathryn Bernardo ang kanyang pananabik tungkol sa "dream home" ng kanyang pamilya habang nagbibigay siya ng update sa pagtatayo nito sa kanyang mga tagahanga at tagasubaybay.
Sa kanyang Instagram kahapon, January 9, ipinakita ng Hello, Love, Goodbye actress ang sunud-sunod na larawang kuha mula sa kanilang pagbisita kamakailan sa site at nilagyan ng caption na "Final push!".
Sa isa sa mga larawan, nag-selfie si Kathryn kasama ang kanyang mommy na si Min Bernardo, ang kanyang kapatid na si Kaye at ang kanyang pamangkin na nagngangalang Lhexine.
Noong Marso 2020, ipinakita ni Kathryn ang groundbreaking para sa kanyang tahanan sa Antipolo.
Sinabi niya noon, “The construction of our dream home has officially begun. I still can't believe it's finally happening after three years of planning.”
Noong nakaraang taon, nagbahagi rin siya ng mga larawan at video mula sa kanyang "site visit," na nagpapakita ng progreso sa pagtatayo ng kanilang "dream home."
Samantala, ilang celebrity ang nag-react sa recent post ni Kathryn at lahat ay tuwang-tuwa nang makita ang huling hitsura ng kanyang dream home.
No comments:
Post a Comment